Մոտ ժամանակներս Իրանի դեմ ցանկացած նոր պատժամիջոցների ընդունումը վնաս կհասցնի միջուկային խնդրի շուրջ անցկացվող բանակցություններին՝ լրագրողներին հայտնել է Պետդեպի ներկայացուցիչ Ջեն Պսակին: Այս մասին փոխանցում է RIA Novosti-ն:
Սենատում դեմոկրատական մեծամասնության առաջնորդ Գարի Ռիդը երկուշաբթի հայտնել էր, որ Սենատը դեկտեմբերին կքննի Իրանի նկատմամբ պատժամիջոցների խստացման հնարավորությունը՝ չնայած իրանական միջուկային ծրագրի շուրջ Ժնևում ձեռք բերված համաձայնությանը:
«Ցանկացած նոր պատժամիջոցների ընդունումը բանակցությունների ընթացքում արդյունավետ չի լինի և կարող է ռիսկի ենթարկել մեր ջանքերը»,- ասել է Պսակին:
Նրա խոսքով՝ եթե Իրանն առաջիկա 6 ամիսներին չպահպանի պայմանավորվածությունները կամ կես տարի հետո հրաժարվի ամփոփոիչ համաձայնագրից, այդ դեպքում վարչակազմը հնարավոր է համարում պատժամիջոցների վերսկսումը, նույնիսկ խստացումը:
