Twitter միկրոբլոգների ցանցը սկսել է ստուգել օգտատերերի տարիքը, ովքեր բաժանորդագրվում են ալկոհոլային բրենդներին: Այս մասին տեղեկությունը հայտնվել է սոցցանցի պաշտոնական բլոգում՝ փոխանցում է Lenta.ru-ն:
Ինչպես ասվում է գրառման մեջ, այժմ ալկոհոլային որևէ ընկերության միկրոբլոգի բաժանորդագրվելու փորձի ժամանակ օգտատերերից ավտոմատ կերպով կպահանջվի նշել ծննդյան տարեթիվը: Այնուհետև միկրոբլոգների ցանցը նրա տարիքը կհամեմատի օգտատիրոջ երկրում ալկոհոլի ձեռք բերման համար նախատեսված նվազագույն տարիքի հետ:
Twitter-ի առաջին գործընկերները, որոնք արդեն նման սահմանափակումներ են ներմուծել, դարձել են Bud Light-ը, Jim Beam-ը, Heineken-ն ու Bacardi-ն: Այս կերպ նոր համակաևգը բրենդներին թույլ կտա հանգիստ ընդլայնել լսարանը Twitter-ում՝ չմտածելով օրենքի խախտման մասին:
Նախկինում սոցցանցում նման սահմանափակումներ գործել են,սակայն նվազագույն տարիքը սահմանել են բրենդները՝ տվալներն օրենսդրությանը չհամապատասխանեցնելով: