Գիտնականները տիեզերք կուղարկեն հազարավոր մանր որդերի, որպեսզի նրանց օրինակի վրա ուսումնասիրեն մարդկանց կողմից մկանային զանգվածի կորուստը։
ՄՏԿ–ում 180 օր մնալու ընթացքում տիեզերագնացները մոտ 40% մկանային զանգված են կորցնում։
Երբ տիեզերագնացները Երկիր են վերադառնում, նրանք չեն կարողանում առաջվա նման շարժվել, և ստիպված են լինում վերականգնողական լուրջ ծրագրեր անցնել։ Գիտնականները բացատրել են, որ նեմատոդ որդերի մկանային կառուցվածքը նման է մարդկանց մկանային կառուցվածքին։ «Նրանք մարդկանց նման տառապում են մկանային զանգվածի կորստով՝ նման պայմաններում։ Քանի որ որդերը վատ «մոդել» չեն մարդկանց մկանների համար, մենք նրանց տիեզերք ենք ուղարկում և նայում ենք նրանց փոփոխություններին և թռիչքի ազդեցությանը նրանց մկանային զանգվածի վրա»,– բացատրել է Էքսեթերի համալսարանի հետազոտող Քոլին Դինը։
Գիտափորձը կարող է նաև օգնել լուծում գտնել մկանային դիստրոֆիայի և շաքարախտի համար։
