Վերջին օրերին շտապօգնության բժիշկների վրա հարձակման մի քանի դեպք գրանցվեց: Նման դեպքերի պատճառը, որպես կանոն, շտապօգնության ուշ արձագանքելն է:
«Հրապարակ» օրաթերթը երեկ տեղեկացել է, որ շաբաթ օրը շտապօգնության բժշկի վրա հարձակման մի փորձ էլ եղել է նոյեմբերի 23-ին, Նուբարաշեն համայնքի 12-րդ փողոցում:
Այս փողոցի տներից մեկում 50-ամյա մի բնակիչ թունաքիմիկատ է խմել, ապա կախվելու փորձ արել: Տան անդամները, նկատելով գործողությունները, ահազանգել են շտապօգնություն: Բուժաշխատողների տեղ հասնելու պահին նա ոչ ադեկվատ վիճակում է եղել ու հարձակվել է բուժանձնակազմի վրա: Շտապօգնության կայանի տնօրեն Թագուհի Ստեփանյանը թերթի հետ զրույցում ասել է, որ այդպիսի հնչեղ դեպք չի լսել, եթե լիներ, ինքը կտեղեկանար: Սակայն ոստիկանությունում բռնության մասին ահազանգ եղել է:
Հոդվածն ամբողջությամբ կարդացեք «Հրապարակ» օրաթերթի այսօրվա համարում:
