Մեր առևտրային բանկերում ավանդների միջին տոկոսադրույքը 3-րդ եռամսյակում բարձրացել է 0.2 տոկոսով և հասել 11.7 տոկոսի: Ըստ Կենտրոնական բանկի 3-րդ եռամսայակի գնաճի հաշվետվության մեջ նշված տվյալների նույն ժամանակում դրամային ավանդներն ավելացել են 6.7 տոկոսով: Սա հիմնականում ձեռնարկություններից ներգրավված ցպահանջ դրամային ավանդների շնորհիվ է:
Ինչ վերաբերում է արտարժութային ավանդներն, ապա այստեղ միջին տոկոսադրույքն ավելացել է 0.7 տոկոսով և հասել 7.6 տոկոսի: Արտարժութային ավանդների ծավալն էլ նույն ժամանակում ավելացել է 7 տոկոսով: Այստեղ էլ աճը հիմնականում պայմանավորված է տնային տնտեսություններից ներգրավված ժամկետային ավանդների ավելացմամբ:
Արտարժութային ավանդների ավելացումը 0.7 տոկոսով բարձրացրել է նաև տնտեսության դոլարայնացման մակարդակը:
