«Մոտակա օրերը հրատապության կարգով նոր մրցույթ է հայտարարվելու։ Շատ կարճ ժամանակահատվածում նոր մրցույթ է իրականացվելու, և ըստ գնումների մասին օրենքի՝ ով ամենացածր գինն առաջարկի, նա էլ կշահի։ Նախորդ մրցույթը չեղյալ է համարվել»,- «Առաջին լրատվական»-ի հետ զրույցում ասաց սոցապնախարարության հաշմանդամների և տարեցների հիմնահարցերի վարչության պետ Արթուր Կեսոյանը։
Հիշեցնենք, որ ժամանակ առաջ հաշմանդամություն ունեցող անձինք բողոքի ակցիա էին իրականացնում, քանի որ պրոթեզավորման իրավունքը փոխանցվել էր այլ կազմակերպության, որը շահել էր հայտարարված մրցույթը, սակայն իրենց տարիներ շարունակ սպասարկել էր գերմանական «Ինտերօրթո» պրոթեզավորման գերմանական կենտրոնը, սակայն մրցույթը հաղթել էր «Պրոթեզաօրթոպեդիկ» ՍՊԸ-ն: Բարձրացված աղմուկից հետո, փաստորեն, նախարարությունը գտել է, որ խնդիր կա, մրցույթի իրականացման կարգը բողոքարկել է, և գնումների բողոքարկման հանձնաժողովը բավարարել է բողոքը՝ չեղյալ է համարել անցկացված մրցույթը, և շահած երկու կազմակերպությունների մասով էլ իրավունքները անվավեր են ճանաչվել։ Դրանից հետո քննարկումների արդյունքում տեխնիկական բնութագրերը փոփոխվել են, և օրերս նոր մրցույթ կհայտարարվի։ «Մրցույցը պետք է հայտարարվի հրատապության կարգով, կարճ ժամանակով, քանի որ մոտակա երկու-երեք ամիսը մենք անցնում ենք հավաստագրման կարգի, որը հաշմանդամություն ունեցող անձանց բարձրացրած բոլոր խնդիրների լուծումն է»,- ասաց Կեսոյանը՝ հավելելով, որ եթե չլիներ հաշմանդամների բարձրացրած աղմուկը, անբավարար պայմաններ առաջարկած երկու կազմակերպությունները կճանաչվեին հաղթող և կմատուցեին պետության պատվիրած ծառայությունը։
Առավել մանրամասն՝ տեսանյութում։
