Vice հրատարակչությունը կազմել է Հիսուսի մասին պատմող լավագույն ֆիլմերի ցուցակը Զատիկի ժամանակ Netflix հեռուստաալիքով ցուցադրելու նպատակով: Ցուցակում ընգրկվել են ոչ միայն ֆիլմերը, որոնցում ինքը՝ Քրիստոսն է գործում, այլ նաև նրանք, որոնցում այս կամ այն չափով նկատվում է հոգևոր առաջնորդության և ընտրյալ հանդիսանալու թեման:
Ցուցակում 10 ֆիլմ է ընդգրկվել: Առաջին տեղում է 1999 թվականին նկարահանված «Մատրիցան»: Ֆիլմի հեղինակների ենթադրության համաձայն՝ ֆիլմի գլխավոր հերոս Նեոն՝ Հիսուսն է, քանի որ նա հանդիսանում է մարդկության անմահ փրկիչը: Իսկ մեկ այլ հերոս Մորֆեուսը Հովհաննես Մկրտչի սևամորթ կերպավորումն է:
.jpg)
Երկրորդ և երրորդ հորիզոնականներն են զբաղեցրել «Բեթմենը Սուպերմենի դեմ. արդարության մայրամուտին» և «Լռություն» ֆիլմերը: Ցուցակում ընգրկվել են նաև «Եգիպտոսի արքայազնը»,«Երկնային թագավորություն», «Քրիստոսի չարչարանքները», «Խղճի պատկերացումներով», «Քրիստոսի ճամբարը» և «Տասը պատվիրաններ» ֆիլմերը:
