Հրապարակվել է 2018 թվականին զբոսաշրջիկների համար ամենաբյուջետային քաղաքների վարկանիշային աղյուսակը՝ Post Office Travel Money բրիտանական ընկերության վարկածով։ Ցուցակը հրապարակվում է ամեն տարի, City Costs Barometer հետազոտության շրջանակներում, որը որոշում է հանգստյան օրերին առանց վիզայի եվրոպական քաղաքներ իրականացվող տուրերի միջին արժեքը։
Մասնավորապես, յուրաքանչյուր ուղղություն գնահատվում է հինգ հիմնական չափորոշիչներով. ճանապարհածախս՝ ներառյալ օդանավակայանից մինչև քաղաքի կենտրոն հասնելու գինը՝ ավտոբուսով կամ գնացքով, սնունդ՝ ներառյալ ընթրիք երկուսի համար տեղական ռեստորանում ՝ երեք տեսակի ուտեստով և մեկ շիշ գինիով, ըմպելիքներ՝ ներառյալ մեկ բաժակ սուրճ, մեկ շիշ կոլա կամ գինի, էսկուրսիաներ, ինչպես նաև կեցություն, որը ենթադրում է երեք աստղանի հյուրանոցի երկտեղանոց համարում երկու գիշերվա գինը։
Այս տարի ցուցակը գլխավորում են Կրակովը՝ Լեհաստանում և Վիլնյուսը՝ Լիտվայում։ Տասնյակի մեջ են նաև Ռիգան, Վարշավան, Բուդապեշտը, Մոսկվան, որը ներկայացված չէր անցյալ տարվա վարկանիշային ցուցակում, Պրագան, Աթենքը, Լիսաբոնը և Լիլը (Ֆրանսիա)։
