Վենեսուելայի նախագահ Նիկոլաս Մադուրոն հինգշաբթի ստորագրել է հրամանագիր, որը կոչված է կարգավորելու առևտրականների շահույթի թույլատրելի նորման: Նա նաև ստորագրել է հրամանագիր Արտաքին առևտրի կենտրոնի հաստատման մասին: Երկու հրամաններն էլ օրենքի կարգավիճակ ունեն շնորհիվ հատուկ լիազորությունների, որոնք խորհրդարանն այս շաբաթ շնորհել է նախագահին: Այս մասին հայտնում է ITAR-TASS-ը:
Սուլիա նահանգում ելույթի ժամանակ Մադուրոն համաքաղաքացիներին խոստացել է, որ շնորհիվ հրամանագրերի՝ ինքը կարող է շարունակել պայքարը բուրժուազիայով պարտադրված տնտեսական պատերազմի դեմ և հասնել նրան, որ Վենեսուելայում բոլոր ապրանքների գները լինեն արդար:
Հաղորդվում է, որ հրամանը մասնավորապես նախատեսում է վարձավճարի նվազեցում, որը խոշոր առևտրային կենտրոնները գանձում են մանրածախ առևտուր իրականացնող խանութների տերերից՝ տարածքի վարձակալման համար:
Մադուրոն պարզաբանել է, որ Արտաքին առևտրի կենտրոնը լիազորված կլինի զբաղվել արտահանման և ներկրման հետ կապված բոլոր հարցերով՝ չթույլատրելով արժույթի արտահոսք և վերահսկելով ներկրման կարիքների համար կառավարության հատկացրած միջոցների ճիշտ ծախսը:
