Scentee Inc ճապոնական ընկերությունը մշակել է սմարթֆոնների համար հավելված, որը թույլ է տալիս զգուշացումները հաղորդել ոչ թե ձայների, այլ բույրերի միջոցով: Այս մասին գրում է Kedem.ru կայքը:
Ունենալով Scentee կարգավորումը և սմարթֆոնին քարթրիջ ամրակցելով` օգտատերը հանդիպումների, զանգերի և իրադարձությունների վերաբերյալ զգուշացումները կստանա ախորժելի բույրի միջոցով: Այս հաղորդագրության հետ մեկտեղ նաև լույս կվառվի:
Մշակողները բույրերի դեռևս սահմանափակ ընտրություն են առաջարկում` բեկոն, սուրճ, ելակ, կոկոս և հասմիկի թեյ, սակայն ժամանակի ընթացքում տեսականին կընդլայնվի նաև այլ բույրերով: Մեկ քարթրիջը կբավարարի 100 անգամի համար և արժե 5 դոլար:
