Փորձում ենք պայքարի բոլոր ձևերը, բայց ոչ ձախողումները: Եթե գնացքը գնաց, երկրի գնացքն էլ հետն է գնալու: Այս մասին «Առաջին լրատվական»-ի հետ զրույցում նշեց «Ժառանգություն» կուսակցության նախագահ Արմեն Մարտիրոսյանը:
Արմեն Մարտիրոսյանը տեղեկացրեց, որ «Հանուն Հայաստան պետության» ճակատի անդամները հանդիպումներ են ունենում տարբեր քաղաքական գործիչների, ուժերի ներկայացուցիչների հետ, անձամբ ինքը հանդիպել է ՀԱԿ-ից Լևոն Զուրաբյանի հետ, քննարկումները շարունակվելու են, դրանք բացվել են, բայց չեն փակվել։
Անդրադառնալով հարցին՝ արդյո՞ք պաշտպանության նախկին նախարար Սեյրան Օհանյանը կմիանա իրենց, Արմեն Մարտիրոսյանն ասաց, որ չի բացառվում, բայց նրա հետ այս պահին հանդիպում չի եղել։
«Մեր միակ հույսը քաղաքացու ակտիվությունն է: Մեզ միայն Սերժ Սարգսյանի հեռացումը չէ, որ պետք է,-նշեց Մարտիրոսյանը:
