Ասիայում իր տեսակի մեջ խոշորագույն գործարանի բացման մասին է հայտարարել կոսմետիկայի ու պարֆյումի համաշխարհային շուկայի առաջատար L’Oreal-ը:
Խոսքը Իչան քաղաքում ձեռնարկության մասին է, որը վերջին 2 տարում զգալի ընդլայնվել է ու արդիականացվել: Այդ նպատակի համար ծախսվել է 33 մլն դոլար:
Ավելի քան 70 հազար քմ տարածք զբաղեցնող նոր գործարանը կոչված է դառնալու ֆրանսիական ընկերության՝ Ասիա-Խաղաղօվկիանոսյան տարածաշրջանում գլխավոր կենտրոնը:
Ամեն տարի գործարանը արտադրելու է ավելի քան 250 մլն միավոր պատրաստի արտադրանք, որի առյուծի բաժինը իրացվելու է Չինաստանի շուկայում ու հարևան երկրներում:
Ֆրանսիական հսկան ամեն կերպ ձգտում է ընդլայնել իր ներկայությունը Չինաստանում, որտեղ ունի արդեն 2 գործարան:
Այս տարի ավելի վաղ 843 մլն դոլարով ընկերությունը ձեռք էր բերել Magic Holdings International չինական ընկերությունը, որը մասնագիտացած է դեմքի կոսմետիկ դիմակների արտադրության մեջ:
