«Իրականում հայաստանյան հասարակությունը շատ ծանր է հատուցելու քաղաքական ընդդիմության կորստի համար»,-ի պատասխան «Առաջին լրատվական»-ի հարցին, ասաց փաստաբան Վահե Գրիգորյանը։ Նրա խոսքով Հայաստանի իշխանությունները սահուն կերպով գնում են դեպի տոտալիտարիզմի և այդ ճանապարհին աստիճանաբար վերացնում են իրենց համար բոլոր խոչընդոտները։ Այդ մասով առաջին թիրախային խումբը փաստաբաններն ու լրագրողներն են, որոնց վերացնելու փորձ է անում ամբողջատիրությանը հակված ցանկացած իշխանություն։ «Միայն քաղաքական ընդդիմությունն է, որը այն բուֆերային տարածքն է, որը երաշխավորում է իմ նշած երկու թիրախային խմբի համար թթվածին ապրելու համար։ Երբ որ արանքից քաղաքական ընդդիմությունը դուրս է գալիս, հաջորդ քայլը փաստաբաններն ու լրագրողներն են։ Սա աքսիոմա է։ Սա տոտալիտարիզմի անտրոպոլոգիան է»,-հավելեց Գրիգորյանը։
Վահե Գրիգորյանը անդրադարձավ նաև 4-րդ նախագահի ընտրությանը։ Նա նշեց, որ Հայաստանը դեռ անցում չի կատարել խորհրդարանական կառավարման համակարգի։ «Քանի դեռ չորրորդ նախագահը չի տրվել քաղաքացիների կողմից, Հայաստանը չի դառնալու պառլամենտական պետություն։ Ես չգիտեմ Արմեն Սարգսյանը ինչ պաշտոնի է հիմա, բայց չորրորդ նախագահին ընտրում են ՀՀ քաղաքացիները։ Դա Սահմանադրության ուղիղ տեքստի պահանջն է, բովանդակային պահանջը։ Միակ կարևոր բանն այն է, որ այս պահին ՀՀ-ում ընտրված չորրորդ նախագահ չկա։ Ես չգիտեմ, թե ՀՀԿ խմբակցությունն ինչով է զբաղվել»,-ընդգծեց Վահե Գրիգորյանը։
Առավել մանրամասն՝ տեսանյութում