Նորվեգիայի Ազգային ժողովի նախագահ Ուլեմիկ Տոմմեսենը հրաժարական տվել՝ խորհրդարանի շենքային համալիրի վերանորոգման և վերակառուցման համար հատկացված գումարի գերածախսի հետ կապված սկանդալի պատճառով: Այս մասին հայտնում է Aftenposten թերթը:
Թոմասսենը հանդես է եկել հայտարարությամբ այն բանից հետո, երբ խորհրդարանական կուսակցությունների մեծամասնությունը հայտարարել է, որ կորցրել է վստահությունը վերջինիս նկատմամբ:
Ի սկզբանե Ազգային ժողովի շենքի վերանորոգման հետ կապված ծախսերի արժեքը գնահատվում էր 70 մլն. քրոն (9 մլն դոլար): Ավելի ուշ վերականգնման ծրագիրը ընդլայնվեց և հաստատվեց 1.1 միլիարդ քրոն (140 միլիոն դոլար) բյուջեով:
Աշխատանքներն սկսվեցին է 2014 թվականին, և դրանից հետո պետբյուջեից մի քանի անգամ լրացուցիչ հատկացումներ եղան: Այժմ վերանորոգման ընդհանուր ծախսերը կազմում են 2,3 միլիարդ քրոն (գրեթե 300 միլիոն դոլար):
Նշենք, որ գերածախսի հետ կապված սկանդալը սկիզբ էր առել դեռ 2015 թվականին: Սակայն Թոմասսենի վրա ճնշումը ուժեղացավ փետրվարին, երբ վերջինս հայտարարեց, որ նախկինում համաձայնեցված բյուջեն բավարար չէ, և վերանորոգումը չի կարող ավարտվել:
