Հրանտ Բագրատյանի վերլուծություններն ու գնահատականները իրատեսական են ու ճիշտ: Այս մասին «Առաջին լրատվական»-ի հետ զրույցում նշեց «Ծառուկյան» խմբակցության պատգամավոր Վարդան Բոստանջյանը՝ անդրադառնալով օրերս ՀՀ նախկին վարչապետ Հրանտ Բագրատյանի գրառմանը:
«Նա ընդգծված մասնագետ է և դա բոլորը գիտեն: Իր բերած մոտվիցիաները, հիմքերը իսկապես մտահոգիչ են: Տնտեսական աճի նման պայմաններում արտագաղթի և աշխատավարձի փաստերը իսկապես մտահոգիչ են: Առիթ ու հիմք չունեմ կասկածելու Բագրատյանի վերլուծությանը»,-նկատեց Բոստանջյանը:
Իսկ հարցին, հնարավոր է ապրիլյան զարգացումներից հետո «Ծառուկյան» դաշինքը կոալցիա կազմի ՀՀԿ-ի հետ, Բոստանջյանն արձագանքեց․«Գագիկ Ծառուկյանը էն անձնավորությունը չէ, որ հուզված լինի պորտֆելի համար: Պորտֆել թող վերցնեն այն մարդիկ, ովքեր ամբողջ կյանքը նվիրել են դրան»:
