«Բարսելոնա»-ի կիսապաշտպան Չավի Էրնանդեսն իր կարծիքն է հայտնել տարվա լավագույն ֆուտբոլիստի կոչման հավակնորդների մասին:
Չավիի կարծիքով` կատալոնական ակումբի հարձակվող Լիոնել Մեսսին, Մադրիդի «Ռեալ»-ի ֆուտբոլիստ Քրիշտիանու Ռոնալդուն և Մյունխենի «Բավարիա»-ի կիսապաշտպան Ֆրանկ Ռիբերին ամենաշատն են արժանի ստանալու «Ոսկե գնդակ»-ը: Սակայն ըստ Չավիի` Ֆրանսիայի հավաքականի ֆուտբոլիստն առավելություն ունի Ռոնալդուի նկատմամբ:
««Ոսկե գնդակ»-ն առաջին հերթին կհանձնեի Մեսսիին: Սակայն նա արդեն չորս անգամ անընդմեջ նվաճել է մրցանակը, ինչը կարող է ազդեցություն ունենալ քվեարկողների որոշման վրա: Եթե խոսենք աշխարհի լավագույն ֆուտբոլիստի մասին, նա, անշու´շտ, Լեոն է: Բայց դեմ չեմ լինի մասնակցել քննարկումներին` 2013 թվականի լավագույն ֆուտբոլիստի կոչման համար»,- ասել է Չավին:
