Ալաբամայում մարդասպանը ողջ է մնացել մահապատժից հետո՝ ենթարկվելով սաստիկ ցավերի այն բանից հետո, երբ բուժաշխատողները չեն կարողացել գտնել նրա երակը՝ ներարկում կատարելու համար։ Արդյունքում 61-ամյա Դոյլ Լի Հեմին մարմնի տարբար հատվածներում ծակծկել են ու ցավ պատճառել, հայտնում է Mirror-ը։
Բանտարկյալը, ում մոտ ախտորոշված էր լիմֆոմա, պետք է մահապատժի ենթարկեին 1987 թվականին մոթելի կառավարիչ Պատրիկ Կանինգեմի սպանության համար։
Սակայն պատիժը չեղարկվել է, քանի որ բուժանձնակազմը չի կարողացել գտնել նրա երակը։
Նրանց բոլոր փորձերը հանգեցրել են ուժգին արնահոսության։ Տեղի ունեցածի փաստով հետաքննություն է անցկացվում։
Հեմը 31 տարվա ազատազրկման էր դատապարտվել զինված թալանի համար, որի ընթացքում սպանվել էր մոթելի կառավարիչը։ Նա խոստովանել էր մեղքը, երբ երկու հանցակիցները մատնել էին նրան։
