«Եկեք կանխենք գազի թանկացումը». ստորագրահավաք Ազատության հրապարակում (լուսանկարներ)

Ազատության հրապարակում մեկնարկել է Գազի ու էլեկտրաէներգիայի թանկացման դեմ 10-օրյա ստորագրահավաքը:
«Եկեք կանխենք գազի թանկացումը» նախաձեռնությունը այսօր նախաձեռնել է ստորագրահավաք և կոչ է անում բոլորին անձը հաստատող փաստաթղթով գալ՝ բաց, թափանցիկ ու անաչառ դատավարության պահանջագիրը ստորագրելու համար:

Նախաձեռնության տարածած հայտարարության մեջ նշվում է, որ անձամբ ստորագրելով պահանջագիրը՝ իրենք հարկադրելու են դատարանին կայացնել օրինական որոշում:

Հիշեցնենք, որ «Եկեք կանխենք գազի թանկացումը» քաղաքացիական նախաձեռնությունը վարչական դատարանում բողոքարկել է Հանրային ծառայությունները կարգավորող հանձնաժողովի` հունիսի 7-ին ընդունած անօրինական որոշումը գազի և էլեկտրաէներգիայի սակագների անհիմն թանկացման վերաբերյալ, սակայն դատարանի թյուր գնահատականով քանի որ հարցը չունի հանրային մեծ հնչեղություն, ապա գործը չպետք է քննվի բանավոր ընթացակարգով: Պատճառն այն է որ հայցը մի քանի հոգու անունից էր ներկայացվել: ԵՎ հիմա անցկացվելու է ստորագրահավաք` պահանջելու համար դատարանից որ գործը քննվի բաց և բանավոր ընթացակարգով:

Պահանջագրի տակ ստորագրել է նաև նախագահի նախկին թեկնածու, քաղաքագետ Անդրիաս Ղուկասյանը։

Լուսանկարները՝ PanARMENIAN Photo-ի