«ԱԺ-ում Մարտի մեկի լսումներից հետո ոչինչ կրկին չի փոխվի, բայց լսումները շատ կարևոր էին, որ իշխանությունները իմանան՝ տուժողի իրավահաջորդները դեռ չեն մահացել, կենդանի են»։ Այս մասին «Առաջին լրատվական»-ի հետ զրույցում ասաց 2008թ․ -ի մարտի 1-ի զոհերից Գոռ Քլոյանի հայրը՝ Սարգիս Քլոյանը, հավելելով, որ Մարտի մեկի էջը կբացահայտվի այն դեպքում, եթե իշխանափոխոթյուն լինի։
«Դատախազ, Կոստանյան, մյուսները ինչ-որ խոսեցին ոչ մի նշանակություն չուներ, դրանք ցույց տվեցին, թե գործ են անում, բա անող էիք էս տասը տարին անեիք։ Էդքան զոհեր , էդքան խանութներ ջարդեցին, ավտոները այրեցին , նիուժելի մի մարդու չեք դատում, ստեղից մի փաստ է առաջանում չեն ուզում, որովհետև իրանք են արել , էդ ճյուղը երբեք չեն կտրելու, ճղի վրա իրանք են նստել»,-շեշտեց նա։
«Առաջին լրատվական»-ի հետ զրույցում 2008թ․ մարտի 1-ի զոհերից Արմեն Ֆարմանյանի հայրը ՝ Վաչագան Ֆարմանյանն էլ նշեց, որ գործը բացահայտված է բոլորի համար էլ պարզ է, թե ով է Մարտի մեկի հեղինակը։
«70 տոկոսը ասում է, որ Քոչարյանին բերեն ասպարեզ հարցաքննվի, բացահայտվի, ինչ բացահայտվի իրա հրաման տվածն է, իրա արածն է»,-շեշտեց նա։
Մանրամասները՝տեսանյութում
