ԱՄՆ պետքարտուղար Ջոն Քերին հայտարարել է, որ Իրանի հետ գործարքը ցանկացած դեպքում երաշխավորում է, որ Թեհրանը միջուկային զենք չի ստեղծի` հաղորդում է Associated Press-ը:
Քերին MSNBC հեռուստաալիքին տված հարցազրույցի ժամանակ հայտարարել է, որ հասկանում և հարգում է Իսրայելի մտահոգությունն Իրանի միջուկային ծրագրի վերաբերյալ: Նա նաև հավելել է, որ խոսել է Իսրայելի վարչապետի հետ և հավաստիացրել, որ ԱՄՆ-ը և Իսրայելն ունեն մի նպատակ՝ թույլ չտալ Իրանին միջուկային զենք ստեղծել:
Պետքարտուղարն ընդգծել է, որ ԱՄՆ նախագահ Բարաք Օբամայի վարչակազմը Կոնգրեսին խնդրում է զերծ մնալ Իրանի դեմ նոր տնտեսական պատժամիջոցների սահմանումից՝ բանակցությունների ընթացքում:
