Շուրջ 300 ամերիկացիներ դուրս են եկել փողոցներ մասնակցելու համար ԱՄՆ Ազգային հրաձգային ասոցիացիայի (NRA) շտաբ-բնակարանի առջև տեղի ունեցող բողոքի ակցիային՝ պահանջելով ուժեղացնել վերահսկողությունը զենքի շրջանառության նկատմամբ: Այս մասին հաղորդում է Washington Post-ը:
Ակցիան նվիրված է Ֆլորիդայի Փարքլենդ քաղաքի դպրոցում տեղի ունեցած ողբերգությանը: Բողոքի ակցիայի մասնակիցները հավաքվել են Վիրջինիա նահանգի Ֆերֆաքս քաղաքի շտաբ-բնակարանի առջև՝ կոչ անելով պաշտոնանկ անել այն պաշտոնյաներին, ովքեր դեմ են զենքի նկատմամբ վերահսկողության ուժեղացման միջոցառումներին:
ԱՄՆ քաղաքացիները իրենց ձեռքերին պարզել են ցուցապաստառներ՝ «NRA-ն գնում է Կոնգրեսը», «Ամոթ, ամոթ», «Բավական է» գրություններով: ԱՄՆ Ազգային հրաձգային ասոցիացիան միավորում է զենքի կրման իրավունքը պաշտպանող կողմնակիցներին և ոչ առևտրային կազմակերպություն է:
