Միջազգային վճարային Visa համակարգի համար Global Travel Intentions (GTI) ընկերության անցկացրած հարցման տվյալների համաձայն՝ ամենածախսող զբոսաշրջիկների վարկանիշը գլխավորում են Սաուդյան Արաբիայի բնակիչները և առաջիկա մի քանի տարին այդ դիրքը չեն լքի։ Ըստ կանխատեսումների՝ ուղևորություններն առաջիկա 2 տարում կաճեն 36 տոկոսով, փոխանցում է tourprom-ը։
Վարկանիշը կազմվել է 27 երկրից 15 հազար մարդկանց շրջանում անցկացված հարցման արդյունքների հիման վրա։
Սաուդցի զբոսաշրջիկների կողմից մեկ ուղևորության վրա ծախսված գումարը կազմում է 5333 դոլար։ Առաջին եռյակում են նաև Քուվեյթի (3143) զբոսաշրջիկներն ու չինացիները (2988 դոլար)։ Հնգյակում են ներառվել ավստրալացիները (2745 դոլար) և Էմիրությունների բնակիչները (2722 դոլար)։
