Twitter միկրոբլոգների ցանցը թույլ կտա օգտատերերին որոշակի թեմաների նվիրված թվիթների ժողովածուներ ստեղծել: Այդ մասին տեղեկությունը հայտնվել է սոցցանցի պաշտոնական բլոգում՝ փոխանցում է Lenta.ru-ն:
Նոր գործառույթը մոտ ժամանակներս հասանելի կդառնա Tweetdeck անվճար հավելվածի միջոցով:
Tweetdeck-ի օգտատերերը կարող են ժողովածուում ցանկացած թվիթ ավելացնել, որոնք ավտոմատ կերպով կդասակարգվեն ժամանակագրական կարգով: Մեկ ժողովածուի վրա կարող է միանգամից մի քանի մարդ աշխատել, իսկ այն տարածել հնարավոր կլինի ոչ միայն սոցցանցի, այլև ուրիշ կայքերում տեղադրելու միջոցով:
2006 թվականին գործարկված միկրոբլոգների ցանցի ամսական ակտիվ լսարանը գերազանցում է 218 միլիոնը:
