ԱԻՄ նախագահ Պարույր Հայրիկյանն այսօր ամփոփել է իրենց անցկացրած հարցումները՝ պարզելու, թե հանրության քանի տոկոսն է նախընտրում Մաքսային միույունը, և քանիսը՝ Եվրոպական միությունը: Երևանում հարցման արդյունքները ցույց են տալիս, որ յոթ տոկոսն է ՄՄ ցանկանում մտնել: Նրա խոսքով` ռազմավարական նշանակության խնդրի առաջ ենք կանգնած ազգովի, և սխալներ թույլ չտալու համար պետք է փորձենք շրջահայաց լինել:
Ըստ նրա` երբ ժողովուրդն է սխալվում, ժողովուրդը կարող է իր սխալն ուղղել, բայց երբ ժողովրդի փոխարեն սխալ է անում քաղաքական գործիչը, դա չի կարելի ներել: «Մեկ օրվա մեջ եվրոպական կողմնորոշում ունեցող մեր իշխանությունները որոշեցին գնալ ՄՄ: Հետաքրքրական է, որ Հայաստանի քաղաքական միջավայրում բոլորն էլ եվրոպական կողմնորոշում ունեին, և ոչ մեկը չէր ձգտում դառնալ Լուկաշենկոյի կամ Նազարբաևի կուսակցությանը գնալ ընկերանալ, մինչդեռ վիճում էին, որ կուսակցությունը եվրոպական կուսակցություն անդամ պետք է դառնա»,- ասաց նա:
Անդրադառնալով հարցման արդյունքներին, որոնք երեկ են ավարտվել, նա ասաց, որ հարցմանը մասնակցել է 1284 մարդ ամբողջ հանրապետությունից, բացի երկու մարզից` Տավուշից և Սյունիքից: ԵՄ, թե՞ ՄՄ. չկողմնորոշվածների թիվը 26,87 տոկոս է, ՄՄ` 22,98, իսկ ԵՄ` 28,04 տոկոս: Ստացվում է` Հայաստանի բնակչության 70 տոկոսը դեմ է ՄՄ-ին:
«Մենք պետք է կոչ անենք հանրությանը՝ դուրս գալ փողոց «Ո՛չ Մաքսային միությանը» կարգախոսով: Հավանաբար, մենք այդ ուղղությամբ քայլեր կատարենք»,- ասաց Պարույր Հայրիկյանը: Առաջիկայում, նրա խոսքով, կսկսվեն նախապատրաստական աշխատանքներ:
Որևէ հեղափոխություն անելու համար դու պետք է հեղափոխական լինես, բռնություն անելով նպատակին հասնել, եթե դա բերելու է ազատագրմանը: Շանթը իր բողոքի ակցիան բավական բուռն արտահայտեց. պետք է հասկանալ և ողջունել նրա արժեքային համակարգը: Ես մատուցած արժեքները ընդունում եմ, բայց ճանապարհը հավասարազոր էր:
Նա նշել է, որ պետք է վախենալ նրանից, որ Մաքսային միությանը միանալու դեպքում այդ 70 տոկոսն էլ կգնան:
Լուսանկարը՝ PanARMENIAN Photo-ի