Կալիֆորնիայի հարավում գտնվող Laguna Beach–ում հանգստացողները օրերս հնարավորություն են ունեցել զմայլվելու «քաղցր զույգով». այդտեղ էին հանգստանում նաև Սելենա Գոմեսն ու Ջասթին Բիբերը։
Երիտասարդները չափազանց երջանիկ էին երևում և չէին թաքցնում իրենց զգացմունքները։ Դրանից հետո թղթակիցները հետևել են Սելենային և Բիբերին մինչև օդանավակայան, որտեղից նրանք երկուսով թռել են անհայտ ուղղությամբ։ Ինչպես փաստում է երգչուհու ընկերուհիներից մեկը՝ սիրահարները որոշել են նախօրոք տոնել Սուրբ Վալենտինի օրը։
Երիտասարդների ծնողները տարբեր կերպ են արձագանքել նրանց սիրավեպի վերականգնմանը։ Բիբերի մայրը շատ ուրախ է, որ նրանք կրկին միասին են երեք տարվա ընդմիջումից հետո, իսկ Սելենայի մայրը պարզապես սարսափում է այդ մտքից, քանի որ վստահ է, որ Ջասթինը նրան դժբախտություն կբերի։ Սելենային դա առանձնապես չի հուզում. նա կրկին սիրահարված է և ապագան շատ վառ գույներով է տեսնում։
