Վիլնյուսը կլինի խնդրահարույց, եթե ոչ ամոթալի ԵՄ-ի և Արևելյան գործընկերներության երկրների համար: «Առաջին լրատվական»-ի հետ զրույցում այս մասին ասաց Ուկրաինայի Գերագույն ռադայի Եվրոպական ինտեգրացիայի հանձնաժողովի փորձագիտական խորհրդի անդամ, հետխորհրդային երկրների քաղաքականության փորձագետ, գերմանացի քաղաքագետ Անդրեաս Ումլանդը՝ անդրադառնալով նոյեմբերի 29-ին Վիլնյուսում տեղի ունենալիք Արևելյան գործընկերության գագաթնաժողովին, որի ժամանակ նախատեսվում էր նախաստորագրել և ստորագրել Ասոցացման համաձայնագիր ԱԳ չորս երկրների հետ:
Ըստ գերմանացի փորձագետի՝ Հայաստանի ՄՄ-ին միանալու որոշումից և Ուկրաինայի անորոշ դիրքորոշման պարագայում Վիլնյուսյան գագաթնաժողովը կանցկացվի ինչ-որ ձևաչափով, մնում է Մոլդովայի և Վրաստանի հետ ԱՀ նախաստորագրման հարցը: Ումլանդի համոզմամբ՝ դա կարող է լինել այդ գագաթնաժողովի բովանդակությունը:
«Բայց այսօր թվում է, թե այդ գագաթնաժողովն ունենալու է փոքր նշանակություն, և այն կարող է լինել խնդրահարույց, եթե ոչ ամոթալի ԵՄ-ի և ԱԳ երկրների համար»,- նկատեց նա:
Անդրեաս Ումլանդի հետ «Առաջին լրատվական»-ի պատրաստած ընդարձակ հարցազրույցին կարող եք ծանոթանալ ավելի ուշ: