Թեհրանի միջուկային խնդրի դիվանագիտական կարգավորման ջանքերը կարող են վտանգի տակ հայտնվել Իրանի դեմ նոր պատժամիջոցներ սահմանելուց հետո: Ինչպես հաղորդում է ITAR-TASS-ը, այս մասին լրագրողներին հայտարարել է ՄԱՆ վարչակազմի ներկայացուցիչը:
«Մեր կարծիքով՝ այժմ հավելյալ պատժամիջոցների սահմանումը կարող է հանգեցնել դիվանագիտական համաձայնագրի խափանմանը և իրականում Իրանին հնարավորություն կընձեռի հասնել պատժամիջոցների թուլացման, միջազգային կոալիցիայի պառակտման»,- նշել է նա:
Նշենք, որ չորեքշաբթի ԱՄՆ պետքարտուղար Ջոն Քերին նախատեսում է բանկերի գործով Կոնգրեսի սենատի կոմիտեին տեղեկացնել Իրանի և «վեցյակ»-ի բանակցությունների մասին: Ավելի վաղ Աբու Դաբիում կայացած մամլո ասուլիսին Քերին Թեհրանի վրա է դրել Ժնևում իրանական միջուկային ծրագրի հարցով համաձայնություն ձեռք չբերելու պատասխանատվությունը:
