Եգիպտոսում քաղաքական հեղաշրջման հետևանքները այն դարձրել են ամենավատ երկիրը կանանց համար արաբական աշխարհում: Այս մասին հաղորդում է The Independent-ը` վկայակոչելով սեփական հետազոտությունը:
Արաբական 22 երկրների թվում Եգիպտոսը վերջին տեղն է զբաղեցրել սեռական բռնության բարձր ցուցանիշների և խորհրդարանում կանանց ներկայացուցչության նվազման պատճառով (12%-ից մինչև 2%): Եգիպտոսում գրանցվել է նաև կանանց թլպատման զոհերի ռեկորդային թիվ. ՅՈՒՆԻՍԵՖ-ի տվյալներով՝ թլպատմանը զոհ է գնացել ավելի քան 27 միլիոն կին:
Կանանց համար հարմարավետ արաբական երկրների վարկանիշային աղյուսակում առաջին տեղը զբաղեցրել է Կոմորյան կղզիները, որտեղ նրանք զբաղեցնում են նախարարական պաշտոնների 20%-ը, իսկ ամուսնալուծությունից հետո ունեցվածքի մեծ մասը բաժին է ընկնում Սիրիային: Կոմորյան կղզիներին հետևում են Օմանը, Քուվեյթը, Հորդանանը և Կատարը: Ցուցակը եզրափակում են Իրաքը, Սաուդյան Արաբիան, Սիրիան և Եմենը:
