Սիրիացի գրոհայինների հայտարարության համաձայն՝ նրանք սիրիացի փախստականների հորդանանյան ճամբարում զբաղվում են վարձկանների հավաքագրմամբ՝ չնայած ՄԱԿ-ի և տեղական իշխանությունների արգելքին:
Զաաթրի կատարած այցի ընթացքում գործակալության թղթակիցը վկայում է, որ սիրիացի փախստականների ճամբարում հոգևոր սպասավորները հայրենակիցներին կոչ են անում միանալ Սիրիայում կռվող հայրենակիցներին: Իսկ ճամբարի մյուս ծայրում Սիրիայի ազատ բանակի 2 անդամ բարձրախոսների միջոցով կոչ են արել զինվորական նախապատրաստություն անցնել: Այս մասին հաղորդում է Associated Press-ը:
Գրոհայինները խոստովանում են հավաքագրում անցկացնելու փաստը, որն ավելի ուժեղացել է այս տարվա ամռանից, երբ կառավարական զորքերը սկսել են զանգվածային հարձակումները:
Զաաթրիում գտնվող փախստականների ճամբարում հավաքագրումն արգելված է: Գրոհայինների գործողությունները Հորդանանին և ՄԱԿ-ին անհարմար դրության մեջ են դնում, քանի որ ճամբարը գործում է նրանց վերահսկողության տակ:
Վախենալով հարևան Սիրիայի հտ հարաբերությունների լարումից՝ Հորդանանի ղեկավարությունը պաշտոնապես հերքում է իր տարածքում գրոհայինների կողմից հավաքագրում անցկացնելու փաստը:
