Իշխանության այս վերաբերմունքը մեր օգտին է: Այս մասին «Առաջին լրատվական»-ի հետ զրույցում նշեց ԱԺ «Ելք» խմբակցության պատգամավոր Արամ Զ․ Սարգսյանը:
Պատգամավորի կարծիքով փողոց դուրս գալը արդյունքներ տվեց, դա ցույց տվեց, որ Ելք-ի քայլը ճիշտ էր:
«Տնտեսությանը հարված է հասցվում և որևէ մեկը չի փորձում հանրությանը ներգրավել դրա մեջ: «Ելք» դաշինքը իր 9 պատգամավորներով փորձում է ճնշում գործադրել իշխանության վրա: Չի կարելի հակադրել խորհրդարանական գործունեությունը փողոցային գործընթացներին, դրանք միմյանց ոչ միայն ժխտում են, այլ փոխլրացնում են: Պետք է զուգորդել և դրա արդյունքում փորձել հաջողության հասնել»,-նշեց Արամ Սարգսյանը:
Իսկ ինչ վերաբերում է ԱԺ-ում թանկացումների վերաբերյալ խորհրդարանական լսումներին, ապա ըստ Արամ Սարգսյանի՝ դրանք չլսումներ էին․ «Իշխանության արգումենտները համոզիչ չէին, բայց այդ համոզիչ չլինելով՝ դրանք ավելի շատ օգուտ տվեցին «Ելք»-ին: Իշխանությունը դրանք ժխտելով՝ ասում էր, որ առաջ ավելի թանկ էր չեք մեռել, հիմա էլ չեք մեռնի»,-ասաց մեր զրուցակիցը: