ԱԺ-Կառավարություն հարցուպատասխանի ժամանակ «Ծառուկյան» խմբակցության պատգամավոր Շաքե Իսայանը հիշեցնելով վարչապետի խոսքերը սննդի անվտանգության մասին՝ ասաց. ««Հետք»-ը հրապարակել է լաբորատոր փորձաքննության արդյունքները, ըստ որոնց՝ թթվասերի 10 արտադրողներից միայն 3-ն են համապատասխանել սահմանված նորմերին»:
«Ինչպե՞ս է պատահում, որ սննդի անվտանգության ոլորտում խախտումներ է հայտնաբերում ոչ թե Սննդի անվտանգության պետական ծառայությունը, այլ ԶԼՄ-ն»,- դիմելով գյուղատնտեսության նախարարին՝ ասաց պատգամավորը:
Նախարարը նշեց, որ թթվասերի հետ կապված դիտարկում է արվում և մինչև շաբաթվա վերջ հայտարարություն կլինի ՍԱՊԾ-ի կողմից:
Պատգամավորը ցանկացավ իմանալ՝ պետական մարմինը գնացե՞լ է «Հետք»-ի հետքերով. «Հակառակ դեպքերում տվյալ կառույցի անհրաժեշտությունը անհասկանալի է դառնում»:
Մանրամասները՝ տեսանյութում:
