ԱՄՆ-ում Մոնթհոմերիի շրջանի ոստիկանական բաժանմունքի աշխատակիցները ձերբակալել են 28-ամյա Բենջամին Հանսբերգերին՝ 2018 թվականի փետրվարի 2-ին բանկ թալանելու կասկածանքով:
Ավելի վաղ նա արդեն ձերբակալված եղել էր միևնույն բանկը 2 անգամ կողոպտելու համար. 2013թվականի մայիսին և հունիսին: 2014 թվականին նրան դատապարտել էին մեկ ու կես տարվա ազատազրկման մի կողոպուտի և 9 ամիս պայմանական պատժի՝ երկրորդ կողոպուտի համար:
Ոստիկանությունը հաղորդում է, որ անցած ուրբաթ Բենջամինը ներխուժել է բանկ, մոտեցել գանձապահին և հաղորդելով, որ իր մոտ ատրճանակ կա: Որոշ գումար ստանալով՝ նա դուրս է վազել բանկից: Վկան տեսել է, որ տղամարդը մուգ ավտոմեքենա է նստել և այդ մասին հաղորդել է ոստիկանությանը: Մեկ ժամ անց ոստիկանությունը հայտնաբերել է ավտոմեքենան քաղաքից դուրս՝ լցակայանի մոտ:
Ավտոմեքենայի խուզարկության ժամանակ ոստիկանները կանխիկ խոշոր գումար են գտել, ինչպես նաև դիմակ, որը հանցագործն օգտագործել էր բանկ մտնելու համար:
Հանսբերգերին մեղադրանք է առաջադրվել գողության և զինված կողոպուտի համար:
