Հունվար ամսվա ընթացքում Վրաստան է այցելել ավելի քան 444,2 արտասահմանցի, ինչը 14,8%-ով ավել է անցած տարվա նույն ժամանակահատվածի համեմատ:
Այս մասին մամլո ասուլիսի ժամանակ հաղորդել է Վրաստանի Զբոսաշրջության ազգային աշխատակազմի ղեկավար Գեորգի Չոգովաձեն:
Հունվարի ընթացքում 24 ժամ և ավել Վրաստանում գտնված զբոսաշրջիկների թիվը կազմել է մոտ 189.5 հազար մարդ, ինչը 23%-ով ավել է անցած տարվա նույն ժամանակահատվածի համեմատ:
Ամենից հաճախ հունվար ամսվա ընթացքում Վրաստան են այցելել Ադրբեջանի քաղաքացիները (+0,8%): Առաջատարների հնգյակում են Թուրքիայի քաղաքացիները (+20,1%), Հայաստանի քաղաքացիները (+20,9%), Ռուսաստանի քաղաքացիները (+14,6%) և Իրանի քաղաքացիները (+92,4%):
Չոգովաձեի խոսքերով՝ դրական միտումը նկատվում է նաև Եվրամիությունից ժամանող զբոսաշրջիկների դեպքում: Հունվարի առաջատարներն են եղել Չեխիայի, Լատվիայի, Մեծ Բրիտանիայի, Հոլանդիայի, Լիտվայի քաղաքացիները:
Վրաստան այցելուների մեծ աճ է արձանագրվել Քուվեյթից, Սաուդյան Արաբիայից, Իրանից, Իսրայելից, Հնդկաստանից, Թուրքիայից:
Վրաստանի Զբոսաշրջության ազգային վարչությունում նշել են, որ 2017 թվականին երկիր է այցելել արտասահմանցիների աննախադեպ քանակություն՝ 7,5 միլիոն մարդ: Զբոսաշրջության եկամուտները նույնպես զգալիորեն աճել են. նախնական տվյալներով այդ թիվը կազմել է 2,7 միլիարդ դոլար:
