Նոր սերնդի Mercedes-Benz S 65 AMG-ը ավտոարտադրողը համարել է արդեն ամբողջ սեգմենտի ամենահզոր սեդանը: Նորույթը հագեցած է մի շարք նորամուծություններով, այդ թվում՝ ճանապարհի սքանավորմամբ:
Ինչպեսև սպասվում էր, ամենահզոր S-դասի սիրտն է դարձել AMG-ի վեցլիտրանոց շարժիչը: Շարժիչը 630 ձիաուժ է զարգացնում, այդ հզորության հետ մեկտեղ այն համապատասխանում է էկոլոգիական Euro6 խիստ պայմաններին, որոնք ուժի մեջ կմտնեն միայն 2015թ.:
Դրանից բացի՝ արտադրողը նշում է շարժիչի տնտեսող լինելը. 100 կմ-ի համար այն ծախսում է 11,9 լ, ինչը հնարավորություն է տալիս տվյալ սեգմենտում մեքենան ամենատնտեսողը համարել:
Սեդանի գնորդներին հասանելի են ներքին հարդարման հինգ գունային երանգներ:
Mercedes-Benz S 65 AMG-ի շնորհանդեսը տեղի կունենա միանգամից Լոս Անջելեսում և Տոկիոյում: Վաճառքում սեդանը կհայտնվի հաջորդ տարվա մարտ ամսին: Գերմանիայում մեքենայի գինը կլինի 232 հազար եվրո:
