«Եվրասիական ինտեգրացիա» նորաստեղծ հետազոտական հասարակական կազմակերպության նախագահ Բաբկեն Հարությունյանը կարծում է, որ Հայաստանի արտաքին ինտեգրման հարցում պետք է լինի մեկ գլխավոր ուղղություն և այդ ուղղությունն, ըստ նրա՝ ԱՊՀ-ն է և ոչ, օրինակ, Եվրոպան կամ Արևմուտքը։
«Տարածված կարծիք կա. շատերն ասում են, որ գիտեք, եկեք գնանք Եվրոպա, Եվրոպայի հետ համագործակցենք։ Կողքից էդ ամենը շատ հրապուրիչ է թվում, բայց պետք է հաշվի առնել առկա իրողությունները»,- «Առաջին լրատվական»-ի հետ զրույցում նշեց Բաբկեն Հարությունյանը։
Այսօր Թեքեյան կենտրոնում տեղի ունեցավ, նորաստեղծ ՀԿ-ի անդրանիկ համաժողովը, որի ընթացքում կազմակերպության նախագահն ու անդամները ներկայացրին իրենց մոտեցումները Հայաստանի արտաքին ինտեգրման վերաբերյալ, ըստ որի՝ Հայաստանը պետք է ակտիվ համագործակցություն ծավալի առաջին հերթին նախկին խորհրդային հանրապետությունների հետ և քայլեր ձեռնարկի եվրասիական տնտեսական ընկերակցությանը անդամկցելու ուղղությամբ, պատճառաբանելով, թե.
«Մեր երկրի անվտանգության երաշխավորը միայն Ռուսաստանի Դաշնությունն է։ Պետք է առանձնահատուկ նշել ՀՀ ռազմավարական գործընկեր Ռուսաստանի Դաշնության բացառիկ դերը, մեր երկրների փայլուն հարաբերությունները՝ քաղաքական, ռազմական, տնտեսական, հոգևոր-մշակութային և բազմաթիվ այլ ոլորտում»։
