Բռնաբարությունների մեղադրանքով ձերբակալվել է հայտնի շվեյցարական աստվածաբան, Օքսֆորդի համալսարանի իսլամի պրոֆեսոր Թարիկ Ռամադանը։ Ռամադանը ձերբակալվել է ոստիկանությունում հարցաքնությունից հետո։
Երկու կանայք մեղադրում են նրան բռնաբարությունների մեջ, որոնք նա իրականացրել է 2009 և 2012 թվականներին Ֆրանսիայում։ Ռամադանը հերքում է դա։
Նախկին սալաֆուհի Հենդա Այարին (41տարեկան) պնդում է, որ պրոֆեսորը բռնաբարել է իրեն փարիզյան հյուրանոցներից մեկում՝ 2012 թվականին։
Ռամադանի փաստաբանը, սակայն, ոստիկանությանն է հանձնել Facebook-ի խոսակցությունների քաղվածքը օգտատեր Հենդա Այարիի հետ, ով Ռամադանին ոչ երկիմաստ առաջարկություններ է անում, որոնց վերջինս չի պատասխանում։
Ինչպես նշվում է, «Ռամադանի գործը» Ֆրանսիայում մեծ հնչեղություն է ստացել։ Օքսֆորդի համալսարանի պրոֆեսորը, ով «Մուսուլման եղբայրներ» եգիպտական իսլամական կազմակերպության հիմնադրի թոռն է, ստիպված է եղել նոյեմբերից թողնել դասախոսական գործունեությունը։ Նա գտնում է, որ իր դեմ զրպարտություն է իրականացվում։
