Եղիշե Չարենցի անվան տուն-թանգարանի տնօրինությունը չեղարկել է թանգարանի սրահում կայանալիք Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլու ինքնակենսագրական «Ուժերի զարթոնք» գրքի հայերեն թարգմանության շնորհանդեսը, որը պետք է տեղի ունենար փետրվարի 7-ին:
Մամուլում տեղեկություններ էին տարածվել այն մասին, որ մշակույթի նախարարությունն է արգելել իրականացնել այս գրքի շնորհանդեսը, սակայն թանգարանի տնօրեն Անահիտ Ասատրյանը լրատվամիջոցների հետ զրույցում հերքել է այս լուրերը և հավաստիացրել, թե սրահի վարձակալության պայմանագիրը հնարավոր չի եղել կնքել զուտ տեխնիկական խնդիրների պատճառով։
Այսուհանդերձ, գրքի շնորհանդեսը կայանալու է փետրվարի 7-ին ժամը 19։00-ին «Նոյյան Տապան» գրատանը։
Արժանահավա՞տ է թանգարանի տնօրենի այսօրինակ պատճառաբանությունը, թե՞ ոչ և ի՞նչ բովանդակություն ունի այս գիրքը, որը նաև սոցիալական ցանցերում է օրեր շարունակ քննարկման առիթ դարձել՝ «Առաջին լրատվական»-ը փորձեց պարզել «Ուժերի զարթոնք» գրքի թարգմանիչ Միքայել Նահապետյանից։
Վերջինիս գնահատմամբ՝ գիրքը շատ ընդհանուր եզրեր ունի Հայաստանի հետ և կարող է մեծ հետաքրքրություն առաջացնել նաև հայ ընթերցողների շրջանում։
Մանրամասները՝ տեսանյութում։
