Երևանում աշխատող «Գազել»-ների վարորդները թերահավատ են, որ Երևանի նոր երթուղային ցանցի կարգավորումները նախ կյանքի կկոչվեն, ապա նաև՝ կաշխատեն։ «18 մետրանոց ավտոբուսները Երևանում չեն աշխատի։ Մեր քաղաքի փողոցները դրանց համար հարմարեցված չեն։ Դրանց պատճառով ամբողջ օրը քաղաքում խցանում է լինելու, վթարներ»,- դժգոհեցին վարորդները։
Մեկ այլ վարորդի խոսքերով էլ՝ անհնար կլինի այդ 18 մետրանոց ավտոբուսները շահագործել 100 դրամով։ Նրանք վստահ են, որ ուղևարձը կբարձրանա։ Բացի այդ, ուղևորները ստիպված կլինեն իրենց ցանկացած տեղը հասնելու համար մի քանի ավտոբուս փոխել, որը ենթադրում է ավելի գումար ծախսել, ինչին մեր քաղաքացիները պատրաստ չեն։ «Մարդիկ երանի են տալու «Գազել»-ներին, «Գազել»-ի մեջ կռացած երթևեկելուն»,- ասաց մեկ այլ վարորդ»։
Նշենք, որ WYG խորհրդատու կազմակերպությունը ներկայացրել է Երևանի երթուղային նոր ցանցի նախագիծը։ Նոր նախագծով՝ շուրջ երեք անգամ կրճատվելու է առկա տրանսպորտային միջոցները։ Բացառվելու է գործող միկրոավտոբուսների շահագործումը, որոնք փոխարինվելու են ավտոբուսներով, տրոլեյբուսներով։
Լինելու են 11 հիմնական երթուղիներ, որոնք սպասարկվելու են մեծ՝ 18 մետր երկարությամբ, 150 ուղևոր սպասարկող միակցված ավտոբուսներով: Մնացած երթուղիները սպասարկվելու են մեծ և միջին ավտոբուսներով։
