Վրաստանի երիտասարդությունը կրկին պահանջում է թմրանյութերի ապաքրեականացում

Անցած շաբաթվա վերջին Վրաստանի խորհրդարանի շենքի մոտ տեղի է ունեցել հերթական ակցիան՝ հաջակցություն թմրանյութերի ապաքրեականացման։ Այս անգամ առիթ է հանդիսացել կոշտ դատավճիռը, որը կայացվել է արտիստ Գեորգի Գիորգանաշվիլիի նկատմամբ, և այդ վճիռը բողոքարկած Բեքա Ցիկարաշվիլիի կարճաժամկետ կալանավորումը։ Նա հանդիսանում է «Սպիտակ աղմուկ» հանրային շարժան առաջնորդներից մեկը, որը կողմ է հանդես գալիս Վրաստանում թմրանյութային քաղաքականության մեղմացմանը։

Գիորգանաշվիլիի գործում ներգրավված է «դեղատոմսով թմրամիջոցների» մեծ քանակություն։ Արտիստը հաստատում է, որ ինքը որևէ կապ չունի այդ թմրամիջոցների հետ, և որ դրանք իր գրպանն են գցել ոստիկանները։ 8 տարվա ազատազրկան դատավճիռը կայացվել է իրավապահների ցուցմունքների հիման վրա՝ առանց ձերբակալության տեսանկարահանման և նման դեպքերում անհրաժեշտ այլ միջոցառումների։ Ակցիայի մասնակիցները համոզված են արտիստի անմեղության հարցում։

Եվ քանի որ ապացուցելու գործընթացը կլինի տևական, իսկ այդ ընթացքում արտիստը ստիպված կլինի նստել ճաղերի հետևում, բողոքի ակցիայի մասնակիցները դիմել են նախագահ Գեորգի Մարգվելաշվիլիին՝ արտիստին ներելու խնդրանքով։