Հայոց բանակի կազմավորման 26-ամյակի կապակցությամբ Հայաստանի Հանրապետության նախագահի թեկնածու, Միացյալ Թագավորությունում Հայաստանի դեսպան, նախկին վարչապետ Արմեն Սարգսյանն այցելել է Եռաբլուր՝ հարգանքի տուրք մատուցելու իրենց կյանքը Հայրենիքի անկախության համար զոհաբերած հայորդիների հիշատակին:
Արմեն Սարգսյանը ծաղիկներ է խոնարհել Անհայտ զինվորի հուշաքարին, սպարապետ Վազգեն Սարգսյանի, զորավար Անդրանիկի շիրիմներին և Արցախյան պատերազմում զոհված ազատամարտիկների ու զինծառայողների հիշատակը հավերժացնող հուշակոթողին:
Ավելի վաղ «Եռաբլուր» էին այցելել Հայաստանի և Արցախի բարձրագույն ղեկավարությունները: Հայոց բանակի օրվա առիթով «Եռաբլուր» պանթեոնում զոհված զինծառայողների ընտանիքների անդամներին հանձնվել են հերոսներին հետմահու շնորհված պետական բարձր պարգևները, ՀՀ նախագահական նստավայրում ևս տեղի կունենա հանդիսավոր արարողություն, իսկ երեկոյան նաև՝ տոնական համերգ:
