Հավայան կղզիներում ԱՄՆ հետախուզական բազայում Էդվարդ Սնոուդենի համածառայակիցները իրենք են հատուկ ծառայությունների նախկին աշխատակցին փոխանցել գաղտնի տեղեկատվության գաղտնաբառերը:
Էդվարդ Սնոուդենը ԱՄՆ հետախուզական բազայում համակարգային ադմինիստրատոր աշխատելու ժամանակ իր համածառայակիցներին համոզել է վստահել իրեն աշխատանքային գաղտնաբառերը, որոնք նա օգտագործել է գաղտնի տեղեկատվության հասանելիություն ստանալու համար, որն ավելի ուշ փոխանցվել է ԶԼՄ-ներին: Այս մասին հաղորդում է Reuters գործակալությունը՝ վկայակոչելով տեղեկատվության արտահոսքի գործի հետաքննությանը մոտ կանգնած աղբյուրին:
Հավայան կղզիներում Ազգային անվտանգության գործակալության տարածաշրջանային կենտրոնում համակարգային ադմինիստրատորի պաշտոնը Սնոուդենը զբաղեցրել է 2012թ. գարնանը, շուրջ մեկ ամիս: Գործակալության զրուցակցի խոսքով՝ Սնոուդենը բազայի 20-25 աշխատակիցների համոզել է իրեն տրամադրել գաղտնաբառերը՝ մեկնաբանելով, որ դրանք իրեն անհրաժեշտ են աշխատանքի համար:
Սնոուդենին վստահած աշխատակիցներն արդեն հարցաքննվել և հեռացվել են աշխատանքից: Աղբյուրը չի նշել, թե ուրիշ ինչ միջոցներ կձեռնարկվեն նրանց դեմ:
