Ջենիֆեր Լոպեսը հայտարարել է, որ երբեք պլաստիկ վիրահատությունների չի ենթարկվել:
Ավելի վաղ բրիտանացի «աստղային» վիրաբույժ Այհամ Ալ-Այուբին Twitter-ի իր էջում իրապարակել էր Լոպեսի լուսանկարը հետևյալ գրառմամբ. «Ջենիֆեր Լոպեսի դեմքին նայելով՝ կարելի է ասել, որ նա բազմաթիվ պլաստիկ վիրահատությունների է ենթարկվել: Նա բնականից էլ է գեղեցիկ, իսկ այժմ ուղղակի անթերի է»:
Բնականաբար, Լոպեսի բարկացած երկրպագուները բժշկին մեղադրել են բոլոր հնարավոր մեղքերում և նույնիսկ «կեղծ» են անվանել:
Ի պատասխան՝ 44-ամյա երգչուհին սոցիալական ցանցում գրել է. «Կներեք, պարոն, բայց ես երբեք պլաստիկ վիրահատության չեմ ենթարկվել»:
Ջենիֆերը միշտ էլ պնդել է, որ ինքը պլաստիկ վիրահատությունների կարիք չունի:
Քննադատության ճնշումների տակ հայտնվելով՝ բժիշկը ներողություն է խնդրել և ամեն ինչում մեղադրել իր օգնականին:
«Սիրելի Ջենիֆեր Լոպես, ես ներողություն եմ խնդրում թվիթի համար, որն առանց իմ գիտության իմ օգնականն է արել: Դուք բնականից էլ գեղեցիկ եք, գրագետ դիմահարդարումը երբեմն փոխում է ձեր դիմագծերը, և ավելի լավ»:
