ԱՄՆ Արդարադատության նախարարությունը հետաքննություն կանցկացնի նախագահ Դոնալդ Թրամփի մասին կրիտիկական հաղորդագրությւնների վերաբերալ, որոնցով փոխանակվել են Հետաքնությունների դաշնային բյուրոյի գործակալները՝ հատուկ դատախազ Ռոբերտ Մյուլերի թիմից։ Այս մասին հայտնել է Գլխավոր դատախազ, Արդարադատության նախարար Ջեֆ Սեշնսը։
Հանրապետականները հայտարարել էին «Ռուսաստանի հետ Թրամփի կապերի» հետաքննությունում Մյուլերի կանխակալության մասին այն հիմքի վրա, որ Մյուլերի ենթակաները, ինչպես պարզվել է, կտրուկ են տրամադրված եղել Թրամփի դեմ առօրյա կյանքում։ Սկանդալը խորացրել է այն հանգամանքը, որ ՀԴԲ-ն չի պահպանել գործակալների նամակագրությունը, թեև պարտավոր էր դա անել՝ ըստ կանոնների։
Ավելի վաղ ԶԼՄ-ները հայտնել էին, որ ՀԴԲ երկու գործակալներ փոխանակվել են հաղորդագրություններով, որոնցում անվանել են նախագահ Թրամփին հիմար։ Նրանք երկուսն էլ հեռացվել են։
Wall Street Journal պարբերականի հետ հարցազրույցում Թրամփը հայտարարել էր, որ գործակալների գործողությունները հավասարազոր են պետական դավաճանության։
