Microsoft կորպորացիան կրճատել է գլխավոր գործադիր տնօրենի պաշտոնին հավակնող թեկնածուների ցուցակը՝ նրանց թիվը հասցնելով 5-ի: Նրանցից 3-ն ընկերության թոփ մենեջերներն են: Այս մասին հայտնում է MarketWatch-ը:
Ինչպես հաստատում են իրազեկ աղբյուրները, համառոտ ցուցակում են ներառվել Ford Motor-ի գլխավոր տնօրեն Ալան Մուլալին և Nokia-ի նախկին ղեկավար Սթիվեն Էլոպը:
Ներքին թեկնածուներից մեկը Թոնի Բայթսն է՝ Skype-ի նախկին գործադիր տնօրենը: Հիշեցնենք, որ տեսակապի ծառայությունը Microsoft-ը 2011-ին ձեռք էր բերել 8.5 մլրդ դոլարով: Ներկայում նա պատասխանատու է Microsoft-ի բիզնես-զարգացման համար:
Դիտարկվում է նաև Microsoft-ի ամպային տեխնոլոգիաների բաժնի ներկայիս պետի թեկնածու Սաթյա Նադելայի թեկնածությունը: Մյուս թոփ մենեջերի անունը չի հաղորդվում:
Ներկայիս տնօրենների խորհրդի նախագահ Սթիվ Բալմերն ընկերությունը կլքի մինչև 2013-ի վերջը: 38 տարվա պատմության մեջ ընկերությունը 2 գլխավոր տնօրեն է ունեցել. նրանցից մեկը հիմնադիր Բիլ Գեյթսն է, մյուսը՝ Սթիվ Բալմերը, ով ընկերություն էր եկել առաջին աշխատողների թվում:
Բալմերի սկսած վերակառուցման ծրագրի հետագա հաջողությունները կախված են նոր գլխավոր տնօրենից:
