Հետազոտողների միջազգային խումբն առաջին անգամ վերստեղծել է մարդու գրեթե ամբողջական գենոմը, ով մահացել էր 1827 թվականին։ Եվ քանի որ չէին մնացել ԴՆԹ-ի նմուշներ վերցնելու համար պիտանի հյուսվածքներ, գիտնականներն ուսումնասիրել են գենետիկ նյութը նրա սերունդների մոտ։ Գիտական հոդվածը հրապարակվել է Nature Genetics ամսագրում։
ԴՆԹ-ն պատկանել է սևամորթ ստրուկ Հանս Ջոնաթանին, ով ծնվել էր Կարիբյան ծովի Սանտա-Կրուս կղզու դանիական գաղութում։ Արդյունքում նա կարողացել էր փախչել Իսլանդիա, որտեղ չեն եղել աֆրիկյան ծագման այլ մարդիկ։ Դա նրա գենոմը դարձրել է եզակի։ Հայտնի է, որ կղզում նրան վերաբերվել են հյուրընկալությամբ, նա ամուսնացել է և 3 երեխաների հայր դարձել։
Գիտնականներն ուսումնասիրել են Իսլանդիայի ծագումնաբանական տվյալների բազան և գտել Ջոնաթանի 182 հետնորդների, որոնցից յուրաքանչյուրն ունեցել է իր նախնու գենոմի մի փոքր մաս։ Դա թույլ է տվել վերստեղծելու նախկին ստրուկի գենոմի մեծ մասը, ինչպես նաև մոտավոր որոշել նրա ծագում։ Հետազոտողները կարծում են, որ նրա մայրը եղել է աֆրոամերիկուհի, իսկ հայրը՝ սպիտակամորթ եվրոպացի։
