Hotels.com պորտալի կողմից ամեն տարի տաքսիների թեմայով անցկացվող գլոբալ հետազոտության արդյունքներով՝ լոնդոնյան տաքսին արդեն 6-րդ տարին անընդմեջ ճանաչվում է լավագույնն աշխարհում: Լոնդոնյան տաքսին 22% ձայն է հավաքել: Երկրորդ տեղում է Նյու Յորքը (10%), երրորդում՝ Տոկիոն (9%):
Աշխարհում հայտնի լոնդոնյան սև տաքսիները ստացել են քվեարկության արդյունքների մոտ ¼-ը: Բեռլինն այս տարի կրկին լավագույնների հնգյակում է՝ 5% ձայներով զբաղեցնելով 4-րդ տեղը: Մադրիդը, Մեխիկոն և Ամստերդամը (4%) կիսում են 5-րդ հորիզոնականը: Այս մասին հայտնում է MIGnews.com-ը:
30 երկրներ ուսումնասիրվել են մաքրության, վարորդների կողմից տեղանքի իմացության, վարման որակի, վարորդների բարեհամբույր լինելու հատկանիշներով:
Ձայների 23%-ով լոնդոնյան տաքսիների վարորդները ճանաչվել են ամենաբարեհամբույրը:
