Ամենօրյա քնի տևողությունը 20 րոպե երկարացնելը կօգնի ազատվել ավելորդ քաշից,– համոզված են գիտնականները։ Հետազոտությունները ցույց են տվել, որ անկողնում ավելի երկար գտնվող մարդիկ ավելի քիչ շաքար են օգտագործում։ Այս մասին հաղորդում է The New York Post-ը։
Փորձագետների կարծիքով, մարդիկ անառողջ սնունդի են ձգտում հիմնականում հոգնածության պատճառով։ «Մեր տվյալները ցույց են տալիս, որ որքան շատ եք դուք քնում, այնքան ավելի ճիշտ եք ուտում»,– պարզաբանել է Հայա Ալ Հաթիբը՝ Լոնդոնի թագավորական քոլեջից։
Հետազոտությանը մասնակցել է 42 մարդ, որոնք քնել են յոթ ժամից պակաս։ Նրանց կեսին թույլ չեն տվել կոֆեին օգտագործել քնից առաջ, սմարթֆոններով զբաղվել և սոված պառկել քնելու։ Երկրորդ կեսին նման սահմանափակումներ չեն արել։
Արդյունքում առաջին խումբը անկողնում մնացել է 55 րոպե ավել և քնել է 20 րոպե ավել։ Շաքարի նրանց օրական օգտագործումը կրճատվել է տաս գրամով։
