Հունվարի 19-ին, ժամը 17.00-ին, «Ելք» դաշինքը հրավիրում է երթի՝ ընդդեմ թանկացումների։ «Առաջին լրատվական»-ի հետ զրույցում ԱԺ «Ելք» խմբակցության պատգամավոր Էդմոն Մարուքյանն ասաց, թե ինչու են դուրս գալիս փողոց հիմա:
«Նախ՝ թանկացումները, որի դեմ մենք դուրս ենք գալիս փողոց, ուժի մեջ են մտել հունվարի մեկից, և դրանք ուժի մեջ են մտել նոր Հարկային օրենսգրքի ուժի մեջ մտնելու հիման վրա, և խորհրդարանում նշված թանկացումների վերաբերյալ մենք փոփոխությունների նախագիծ էինք ներկայացրել, որը մերժվեց: Ինչո՞ւ հիմա. որովհետև մենք սպառել ենք խորհրդարանական հարթակը, որովհետև մեր նախագծերը մերժվել են: Ավելին, խորհրդարանում ունենք ինը մանդատ, ինը մանդատի շրջանակում ենք գործում, իսկ տվյալ պարագայում նշված բողոքի ակցիային կարող են դուրս գալ ավելի շատ մարդիկ, քան ինը մանդատին ձայն տված մարդիկ են»,- ասաց Էդմոն Մարուքյանը:
Նրա խոսքով՝ իրենց այս քայլով գնում են քաղաքացիներին պաշտպանելու, քանի որ բոլորը բողոքում են այս թանկացումներից:
«Քաղաքացիները, անկախ քաղաքական ուժերի պատկանելությունից, կմասնակցեն այս երթին: Սա բոլորիս է վերաբերում, սա «Ելք» դաշինքի համար չի արվում: Թանկացումը մոնոպոլիաների, կոռուպցիայի արդյունք է»,- հավելեց նա:
Հարցազրույցն ամբողջությամբ՝ տեսանյութում:
