ԱԺ փոխնախագահ, ՀՀԿ խոսնակ Էդուարդ Շարմազանովը «Առաջին լրատվական»-ի հետ զրույցում անդրադարձել է թանկացումներին: «Թանկացումը լինելու է օբյեկտիվ կամ սուբյեկտիվ: Բնականաբար, թանկացումը որպես երևույթ դրական չէ, և կառավարության, իշխանությունների խնդիրը պետք է լինի թանկացումները չեզոքացնելը, հատկապես սոցիալապես խոցելի խավերի համար»,- ասել է Էդուարդ Շարմազանովը:
Արդյո՞ք մտահոգված է իշխանությունը, որ այս իրավիճակը կհանգեցնի բունտի, ԱԺ փոխնախագահն ասել է, որ բունտը որևէ երկրում խնդրի լուծում չէ, բունտերը նորանոր խնդիրներ են առաջացնում:
«Մենք պետք է մեր մտքից հանենք ցանկացած բունտի գաղափար, որովհետև յուրաքանչյուր բունտ ծնելու է ավելի մեծ խնդիրներ, և բունտերով որևէ երկրում որևէ հարց չի լուծվել»,- հավելել է նա:
Հարցին՝ ո՞վ պետք է պատասխանատվության ենթարկվի, եթե 2018-ին էլ փոփոխություններ չլինեն, Էդուարդ Շարմազանովը ասել է. «Կոռուպցիայի դեմ պայքարում մենք լուրջ հաջողության ենք հասել, խոսքի ազատության, խղճի ազատության գործում մենք լուրջ հաջողության ենք հասել, մենք ԵՄ-ի հետ համաձայնագիր ենք ստորագրել նոյեմբերի 24-ին, բայց դա չի նշանակում, որ նոյեմբերի 25-26-ին կամ այսօր, բոլորը դա պետք է զգան, բայց սա լուրջ քայլ է, որ քաղաքացիներն իրենց վրա զգան այդ փոփոխությունները»:
Հարցազրույցն ամբողջությամբ՝ տեսանյութում:
