Թուրքիայի ընդդիմությունը պահանջում է անցկացնել Դիյանետ կրոնական գործերի հարցով վարչության հետաքննություն, որը հայտարարել է, որ համաձայն իսլամի օրենքների՝ նորմալ է 12 տարեկան տղաների և 9 տարեկան աղջիկների միջև ամուսնությունը: Վարչության պաշտոնյաները վստահ են, որ հենց երեխան հատում է հոգեբանական և ֆիզիկական հասունության շեմը, նրան պետք է թույլատրվի ամուսնանալ՝ հետագայում «շնանալուց» խուսափելու համար, և հենց նշված տարիքն է համարվում նման շեմ:
Այս հայտարարությունը հարուցել է ընդդիմադիր քաղաքական գործիչների և կանանց իրավունքների պաշտպանների բուռն զայրույթը:
«Թուրքիայի Քաղաքացիական օրենսգրքում հստակ նշված է, որ հասունացումը սկսվում է 18 տարեկանից: Վաղ ամուսնությունները խախտում են երեխաների, կանանց, մարդու իրավունքները: Մենք խորհրդարանին խնդրում ենք հետաքննել այդ հայտարարությունը»,- իր Twitter-ում գրել է ընդդիմադիր պատգամավոր Մուրաթ Բաքանը:
Տրապիզոն քաղաքում կանայք կազմակերպել են ցույց՝ պահանջելով «Դադարեցնել երեխաների շահագործումը», իսկ Իզմիրում՝ «Երեխաների ամուսնությունը հանցագործություն է» լոզունգի ներքո:
